Koprodukzioa PTC Antzerki Ekoizpen Garaikideak-ekin.
Lucy Kirkwood-ek idatzitako Seme-alabak, etorkizun hurbilean gertatzen da, eta zentral nuklear batean izandako hondamendiaren ondorioez dihardu, etorkizuneko belaunaldiek dugun erantzukizuna gailenduz.
Obra “ekialdeko kostaldeko etxola txiki batean” garatzen da, Hazel eta Robin, erretiratutako bi zientzialari nuklear, lanean ari ziren zentral nuklearrean gertatutako hondamendiaz geroztik etxola horretan bizi dira. Elektrizitatea mugatuta dagoen arren eta edozein erradiazio zeinu neurtzeko Geiger kontagailu bat duten arren, normaltasun itxura mantentzen saiatzen dira. Orain Robinek landatzen du, eta, bitartean, Hazelek yoga praktikatzen du. Lauren bere alaba zaharrenarekin harremanetan jarraitzen dute. Baina, bat-batean Rose aurkezten da, duela 38 urte ikusten ez zuten lankide fisiko nuklear bat. Ondorioz, itxuraz behintzat ordenatua zen bizitza hori eteten da eta haien bizitzek datozen belaunaldietan duten eraginari buruz hausnartzen dute.
