SODRE-KO BALLET NAZIONALA

BANAKETA ESPAINIAN

IKUSGAI DAGOEN PROGRAMA

LOTI EDERRA Agatha Ruiz de La Prada-ren jantziekin

IKUSKIZUNARI BURUZ

Marius Petipa-ren koreografian oinarrituta, bertsio hau Mario Galizzi argentinar ezagunarena da, gaur egun Mexikoko Ballet Nazionala zuzentzen duenarena, hain zuzen ere. Tchaikovsky-ren beste lan batzuekin batera, Loti Ederra ballet klasikoaren ballet ikusgarri eta adierazgarrienetako bat da.

Istorian, Aurora printzesa lo sakonean erortzen da, istorioa ongiaren eta gaizkiaren indarren arteko betiko gatazka ardatz hartuta garatzen da. Indar horiek Lilien Maitagarriak eta Carabosse gaiztoak pertsonifikatzen dituzte.

BNSren ekoizpen berri horrek Agatha Ruiz de La Prada diseinatzaile bitxiak sortutako jantziak eta Hugo Millan-en eszenografia ditu.

KONPAINIARI BURUZ

1935eko abuztuaren 27an sortu zenetik, Sodre Dantza Taldea izan da Uruguain ballet klasiko profesionala garatzeko ardura izan duen erakunde artistikoa. Bere errepertorioan, ballet klasikoa ez ezik, bestelako erreferenteak ere aintzat dira, dantza garaikide eta modernoaren arloan sorkuntzak sustatuz, herritar guztiek gozatu ditzaten.

2010eko ekainean, konpainiak, orain BNS | Ballet Nacional Sodre izena duenak, inoizko eraldaketarik handiena izan zuen. Talde berri bat arduratu zen kudeaketaz eta konpainia birsortu zen, gaur egun arteko aro berri bati hasiera emanez.

Julio Bocca maisua 2010ean zuzendari artistiko izendatzeak talde nazionala berrantolatzeko prozesu sakon eta dinamikoa eragin zuen, eskualdeari eta munduari ateak irekiz, bai taldekideen integrazioari dagokionez eta baita gonbidatutako maisu, koreografo eta dantzarien aukeraketari dagokionez.

2018ko otsailetik aurrera, Igor Yebra maisua izendatu zen konpainian zuzendari, bikaintasunaren bideari jarraitzeko helburu argiarekin. Eta kalitate hori Yebraren lehen estreinaldian berretsi zen, BNSko zuzendari gisa Loti Ederra aurkeztean, ikusleen eta sarreren salmentaren errekor historikoa hautsi baitzuen. Horrela, eta urtero 100.000 ikusletik gorako publikoarekin, konpainiak exijentzia eta kalitatea goratzen jarraitzen du, eskualdeko erreferente gisa eta herrialde berri baten isla gisa kokatuta.